நல்லி வறுவல்

குக்கரில் சிறிது எண்ணெய் ஊற்றவும். சூடானதும், ஆட்டுக் கறியைச் சேர்த்து 2 நிமிடம் வறுக்கவும். பிறகு தண்ணீர், மஞ்சள் தூள், உப்பு சேர்க்கவும். கொதிக்க விட்டு மூடி போடவும். கறியின் தரத்தைப் பொறுத்து மிதமான தீயில் 8-10 விசில் வரும் வரை வேக விடவும். திறப்பதற்கு முன் பிரஷர் தானாக இறங்க விடவும்.

நல்லெண்ணெய்ஆட்டுக் கறிதண்ணீர்மஞ்சள் தூள்உப்பு

வாணலியில் மசாலாவுக்குத் தேவையான எல்லாப் பொருட்களையும் சேர்த்து, குறைந்த தீயில் சுமார் 2 நிமிடம் வாசனை வரும் வரை எண்ணெய் இல்லாமல் வறுக்கவும். நைசான பொடியாக அரைக்கவும்.

மிளகுசீரகம்கிராம்புபட்டைமல்லிகாய்ந்த மிளகாய்

வாணலியில் நல்லெண்ணெய் ஊற்றவும். சூடானதும், சோம்பு, அதைத் தொடர்ந்து சின்ன வெங்காயம், கறிவேப்பிலை சேர்க்கவும். சின்ன வெங்காயம் பழுப்பு நிறமானதும், பச்சை மிளகாய், வெங்காயம் சேர்க்கவும். வெங்காயம் பொன்னிறமாகத் தொடங்கும் வரை சுமார் 6-7 நிமிடங்கள் வதக்கவும். இஞ்சி பூண்டு விழுது சேர்த்து பச்சை வாசனை போகும் வரை வதக்கவும். பிறகு மசாலாப் பொடி சேர்த்து இன்னும் 2 நிமிடம் வதக்கவும். வெங்காயம் அடியில் ஒட்டத் தொடங்கியதும், தக்காளி சேர்த்து அடியில் ஒட்டியிருப்பதை வழித்து விடவும்.

நல்லெண்ணெய்சோம்புசின்ன வெங்காயம்கறிவேப்பிலைபச்சை மிளகாய்வெங்காயம்உப்புஇஞ்சி பூண்டு விழுதுதக்காளி

தக்காளி மென்மையாகக் குழைந்ததும், வேக வைத்த மட்டன் நல்லியை அது வெந்த தண்ணீருடன் சேர்த்து நன்றாகக் கலக்கவும். கூடுதலாக ½ கப் தண்ணீர் சேர்த்து, தண்ணீர் ஏறக்குறைய முழுவதும் சுண்டும் வரை 10-15 நிமிடங்கள் குறைந்த தீயில் கொதிக்க விடவும். கொத்தமல்லி தூவி சாதத்துடன் சூடாகப் பரிமாறவும்!

தண்ணீர்கொத்தமல்லி